Staubwolgge


Home


Värs


Värs vo dr Fasnacht 2026
   

Dr Herr-Gott schiggt, siini biblischi Waffe,
für e linggi Stadt göhn doo no, z viel go Schaffe
Mit däägligge Demos, het äär d Stroos blockiert,
Im Stau hän d Gryysel au no missioniert.
Denn het äär d Stadt, mit Baustelle gspiggt,
und statt Heuschregge, d Velofahrer gschiggt.
 
D Carla Meloni die het Ballooni,
d Van der Layen Gobbelooni iiri Bluse die isch Oohni.
Gsehsch d Van der Layen dänggsch in aigener Sach,
doo waisch wieso, liggt d EU flach.
Dr Merz schwingt e Schnabel wie ne Gaier,
nur sälle het au kaini Aier.
Und wenn sich, d Van der Layen, ins mieder zwängt,
no weisch wieso, dr Euro hängt.

Ohh Fuck, ooh fuck, ooh fuck, ooh fuck,
es goht mir sälber uff e Sagg.
Göhnt mir, wäg däm Finger nit an Kraage,
es het si Grund, ich dues euch saage.
In Grönland, doo griegsch kalti Ooohre,
sit em Trump Bsuech dert, isch dää Finger gfroore.

Im Blääsischuelhuus z hinderscht hinde,
kasch die dümschte Kinder finde.
D Sprooch verstöön si nit so rächt
und au im Rächne sin si schlächt.
Doch d Lehrer sin jetzt am probiere,
die Schwiizer Kinder z integriere.

Beautykur und Friise style,
Fett am Ranze umverdaille,
Schnäggli straffe, Botox spritze,
Fuudi lifte, Zitze spitze.
Dausigi Frangge zahlsch dert draa,
fir zwanzig kasch e Burka haa.

Liebi Lüüt ich dues eych saage,
au ich due als e Burka traage.
Im Glaibasel bisch vom Gsindel gschützt,
kunsch sicher Haim, sii das nützt.
Doch wenn emol e Furz muesch loo,
no gosch dert drunter fascht KO.
Kluugscheisser im Regierigsroot,
dää Scheiss im Hirn mache d Fasnacht Dood.
Luegsch e Hirni und d Gedärme aa,
was passiert, wenn dr Herrgott das verwäxle kaa.
Isch s Hirni im Ranze und s Gedärm im Gestirn,
denn gits Klugscheisser, mit Scheiss im Hirn.

Ich bring euch no e Aggduelle,
neue zyytligg sexuelle.
Sii das mit de Bienli und de Bliemli,
neu au e Bienli mit me Bienli.
S goht au e Bliemli mit me  Bliemli,
oder e Bliemli, wo isch gsi e Bienli.
Jä dr Storch bringt doch d Kinder, oder isch das glooge,
no het dr Babbe, d Mamme mit me Storch betrooge.

Mit em Auto will ich Gescht in d Stadt,
nachere Stund im Stau doo han ichs satt.
Denn due ich über Schlyychwäg flitze,
doch in Birsfälde duets mi verglemmi Blitze.
Denn han ich halt e Trämli gnoo,
das blybt denn pletzligg wäg dr Demo stoo.
Ich styyg denn uss due e Velo stääle,
das duet mi ohni Sattel am Fudi quääle.
Gschnäll styyg ich ab und lauf Haimwärts zue,
denn spyyr ich e Blootere im lingge Schueh.
Ich freu my uff e Bier nachem Haimelaufe
oouu shit, ich ha jo mit em Auto welle Bier go kaufe.